Shuhrat Axmedov o‘quvchilar bilan maktabda tashkil etilgan shart-sharoitlar, imkoniyatlar, ustozlarning bilim berish darajasi, o‘quvchilarning kelajakdagi orzu-istaklari, qaysi kasb egalari bo‘lishlari xususida samimiy suhbat olib bordi.

Shuningdek, tuman hokimi maktab o‘qituvchilar bilan ham suhbatlashib, ta'lim sifatini oshirish va o‘quvchilarni oliy ta'lim muassasalariga kirish ko‘rsatkichini ko‘tarish uchun o‘z ustida yanada ko‘proq ishlashi, yoshlarni vatanparvar, bilimli, salohiyatli qilib tarbiyalashda bor kuch va g‘ayratini safarbar qilishi kerakligini ta'kidladi.