Dars jarayonlari Davlat madhiyasini kuylashdan boshlandi va o‘quvchilar milliy qadriyatlarimizni yodga soluvchi ko‘tarinki ruhda ishtirok etdilar. Shuningdek, “Milliy liboslar kuni”, “Doppi kiygan yigitlar”, “Belida belbog‘i bor” kabi tadbirlar o‘tkazilib, yoshlarda milliy g‘urur, urf-odatlarimizga hurmat va sadoqat tuyg‘ularini mustahkamlashga alohida e’tibor qaratildi.

Mazkur tadbirlar davomida milliy liboslarimiz, urf-odat va qadriyatlarimizning bugungi kunda yoshlar tarbiyasidagi ahamiyati yoritib berildi. O‘quvchilar sahna ko‘rinishlari, qo‘shiqlar va milliy raqslar orqali milliy madaniyatimizning boy va rang-barangligini namoyish etdilar.