Bugun Qo‘shko‘pir tumanidagi 29-Davlat maktabgacha ta’lim tashkilotida tuman maktabgacha ta’lim tashkilotlari direktor va xo‘jalik ishlari mudirlari ishtirokida “Zamonaviy ta’limda innovatsion usullardan foydalanish” mavzusida o‘quv-amaliy seminar tashkil etildi.

Seminar davomida 29-DMTTda tarbiyachilarning mashg‘ulot jarayonlari kuzatilib, ta’lim tashkiloti pedagoglarining ish tajribalari hamda innovatsion usullardan foydalangan holda olib borilayotgan mashg‘ulotlari bo‘yicha o‘zaro tajriba almashildi. Shuningdek, bolajonlar uchun yaratilgan shart-sharoitlar bilan yaqindan tanishildi va ishtirokchilarning qiziqtirgan savollariga soha mutaxassislari tomonidan batafsil javoblar berildi.

Tadbir so‘ngida kuz-qish mavsumiga tayyorgarlik bo‘yicha amalga oshirilayotgan ishlar yuzasidan ham tajriba almashildi.