O‘quv yili davomida yuqori natijalarga erishgan, namunali xulq-atvori va faolligi bilan ajralib turgan 43 nafar bitiruvchiga oltin medal, 1 nafar bitiruvchiga kumush medal hamda tashakkurnomalar topshirildi.

Ushbu mukofotlarni bitiruvchilarga tantanali ravishda Qo‘shko‘pir tumani hokimi Shuxrat Axmedov shaxsan topshirdi. Tuman rahbari o‘z nutqida yoshlarga kelgusidagi ta’lim yo‘li va hayotda ulkan zafarlar tilab, ularning bilimga bo‘lgan intilishi va tashabbuskorligini alohida e’tirof etdi.

Mazkur mukofotlar yoshlarga bildirilayotgan yuksak ishonch va e’tibor, ularning mehnati, sabr-toqati hamda bilimga bo‘lgan izchil intilishining amaliy ifodasidir.