Bugun Urganch shahridagi “Yoshlik” sport majmuasida maktabgacha taʼlim tashkilotlarida tahsil olayotgan iqtidorli tarbiyalanuvchilarni aniqlash, ularning intellektual salohiyatini rivojlantirish hamda sportga boʻlgan qiziqishini oshirish maqsadida “Shaxmat festivali” musobaqasining viloyat bosqichi boʻlib oʻtdi.

Mazkur musobaqaning viloyat bosqichida Qo‘shko‘pir tumanidagi davlat maktabgacha ta’lim tashkilotlari tarbiyalanuvchilari faol ishtirok etishdi. Xususan, 2- va 15-sonli DMTT tarbiyalanuvchilari — Otaboyev Jo‘shqinbek va Baxodirova Parizoda yuqori o‘rinlarni egallashga muvaffaq bo‘lishdi.