Bugun Urganch shahridagi Jaloliddin Manguberdi nomidagi harbiy-akademik litseyida informatika fani o‘qituvchilari ishtirokida “Info teach” forumi bo‘lib o‘tdi. 
Tadbir O‘zbekiston Respublikasi Maktabgacha va maktab ta’limi vazirligi, O‘zbekiston Respublikasi Raqamli texnologiyalar vazirligi, Raqamli ta’limni rivojlantirish markazi, Xorazm viloyati hokimligi hamkorligida tashkil qilinib, unda soha mutaxassislari tomonidan viloyatdagi ta'lim muassasalarida ta'lim berayotgan 400 nafar informatika fani oʻqituvchilari va axborot-kommunikatsiya texnologiyalari yoʻnalishi ma'sullariga mahorat darslari oʻtkazildi.

Tadbir yakunida zamonaviy texnologiyalardan foydalanish bo'yicha bilim va koʻnikmalariga ega boʻlgan mutaxassislar tashkilotchilar tomonidan sertifikatlar bilan taqdirlandi.