Xorazm viloyati Qo‘shko‘pir tumanidagi 39-maktabi o‘quvchisi Qalandarov Kamronbek Janubiy Koreyaning nufuzli Senjon universiteti grantiga sazovor bo‘ldi va muddatidan oldin talabalik maqomiga ega bo‘ldi. Ushbu universitet dunyo oliy ta’lim muassasalari reytingida 41-o‘rinni egallab, Janubiy Koreyada yetakchi oliygoh sifatida 1-o‘rinda turadi. Kamronbekning bu yutug‘i uning ta’limga bo‘lgan intilishi, mehnatkashligi va bilimdonligi samarasi bo‘lib, u nafaqat o‘z oilasi va maktabi, balki butun yurtimiz uchun katta faxrdir.